ਦਲਜੀਤ ਕੌਰ/ਚੰਡੀਗੜ੍ਹ, 1 ਅਪ੍ਰੈਲ, 2023: ਸਕੂਲ ਸਿੱਖਿਆ ਵਿਭਾਗ ਨੇ ਅਧਿਆਪਕਾਂ ਦੀਆਂ ਆਮ ਬਦਲੀਆਂ ਲਈ ਖੋਲੇ ਗਏ ਈ-ਪੋਰਟਲ ਦੇ ਬਿਜ਼ੀ ਹੋਣ ਕਾਰਨ ਬਦਲੀਆਂ ਲਈ ਅਪਲਾਈ ਕਰਨ ਦੀ ਤਾਰੀਖ਼ ਵਿਚ ਵਾਧਾ ਕੀਤਾ ਗਿਆ ਹੈ। ਬਦਲੀਆਂ ਲਈ ਅਪਲਾਈ ਕਰਨ ਅੰਤਿਮ ਮਿਤੀ 31 ਮਾਰਚ 2023 ਤੋਂ ਵਧਾ ਕੇ ਹੁਣ 2 ਅਪ੍ਰੈਲ 2023 ਤੱਕ ਕਰ ਦਿੱਤੀ ਗਈ ਹੈ।
ਜ਼ਿਕਰਯੋਗ ਹੈ ਕਿ ਬਦਲੀ ਕਰਵਾਉਣ ਦੇ ਇੱਛੁਕ ਬਹੁਤ ਸਾਰੇ ਅਧਿਆਪਕਾਂ ਨੂੰ ਬਦਲੀਆਂ ਸਬੰਧੀ ਵੇਰਵੇ ਭਰਨ ‘ਚ ਆ ਰਹੀਆਂ ਮੁਸ਼ਕਲਾਂ ਦੇ ਮੱਦੇਨਜ਼ਰ ਅਪਲਾਈ ਕਰਨ ਦੀ ਤਾਰੀਖ਼ ਵਿਚ ਵਾਧਾ ਕੀਤਾ ਗਿਆ ਹੈ ਅਤੇ ਅਧਿਆਪਕ ਹੁਣ 02 ਅਪ੍ਰੈਲ 2023 ਤੱਕ ਸਿੱਖਿਆ ਵਿਭਾਗ ਦੇ ਈ-ਪੰਜਾਬ ਪੋਰਟਲ ਤੇ ਆਨਲਾਈਨ ਅਪਲਾਈ ਕਰ ਸਕਦੇ ਹਨ। ਇਹ ਬਦਲੀਆਂ 2019 ਦੀ ਟੀਚਰ ਟਰਾਂਸਫਰ ਪਾਲਿਸੀ ਅਤੇ 2020 ਦੀ ਸੋਧੀ ਹੋਈ ਪਾਲਿਸੀ ਅਨੁਸਾਰ ਕੀਤੀਆਂ ਜਾਣਗੀਆਂ। ਬਦਲੀਆਂ ਲਈ ਬਾਕੀ ਨਿਯਮ ਤੇ ਸ਼ਰਤਾਂ ਪਹਿਲਾਂ ਜਾਰੀ ਪੱਤਰ ਵਾਲੀਆਂ ਹੀ ਰਹਿਣਗੀਆਂ।
