ਨਿਊਯਾਰਕ,10 ਅਗਸਤ (ਰਾਜ ਗੋਗਨਾ)-ਬੀਤੇਂ ਦਿਨ ਡਿਪਟੀ ਇੰਸਪੈਕਟਰ ਤਾਰਿਕ ਸ਼ੇਪਾਰਡ ਨੂੰ ਲੋਕ ਸੂਚਨਾ ਦਾ ਨਿਊਯਾਰਕ ਦਾ ਡਿਪਟੀ ਕਮਿਸ਼ਨਰ ਨਿਯੁਕਤ ਕੀਤਾ ਗਿਆ ਹੈ। ਨਿਊਯਾਰਕ ਪੁਲਿਸ ਡਿਪਾਰਟਮੈਂਟ NYPD ਦੇ ਪੁਲਿਸ ਕਮਿਸ਼ਨਰ ਐਡਵਰਡ ਏ. ਕੈਬਨ ਨੇ ਤਾਰਿਕ ਸ਼ੇਪਾਰਡ ਦੀ ਪਬਲਿਕ ਇਨਫਰਮੇਸ਼ਨ (DCPI) ਦੇ ਨਵੇਂ ਡਿਪਟੀ ਕਮਿਸ਼ਨਰ ਵਜੋਂ ਨਿਯੁਕਤੀ ਦਾ ਐਲਾਨ ਕੀਤਾ ਹੈ। ਨਿਊਯਾਰਕ ਪੁਲਿਸ ਡਿਪਾਰਟਮੈਂਟ (NYPD)ਦੇ ਇਹ ਇੱਕ 19 ਸਾਲ ਦੇ ਅਨੁਭਵੀ, ਹਨ ਅਤੇ ਉਹਨਾਂ ਨੇ ਕਈ ਅਹੁਦਿਆਂ ‘ਤੇ ਸੇਵਾ ਵੀ ਕੀਤੀ ਹੈ। ਉਹ ਹਾਲ ਹੀ ਵਿੱਚ ਹਾਰਲੇਮ ਨਿਊਯਾਰਕ ਵਿੱਚ 28 ਵੇਂ ਪ੍ਰਿਸਿੰਕਟ ਦੇ ਕਮਾਂਡਿੰਗ ਅਫਸਰ ਸੀ।ਸ਼ੇਪਾਰਡ ਨੇ ਆਪਣਾ ਨਿਊਯਾਰਕ ਪੁਲਿਸ ਡਿਪਾਰਟਮੈਂਟ (NYPD) ਦਾ ਕੈਰੀਅਰ ਸੰਨ 2004 ਵਿੱਚ ਇੱਕ ਗਸ਼ਤੀ ਅਧਿਕਾਰੀ ਵਜੋਂ ਸ਼ੁਰੂ ਕੀਤਾ ਸੀ। 47 ਵੇਂ ਪ੍ਰਿਸਿੰਕਟ ਵਿੱਚ, ਬ੍ਰੌਂਕਸ ਦੇ ਵੇਕਫੀਲਡ ਸੈਕਸ਼ਨ ਨੂੰ ਉਹ ਦੇਖ ਰੇਖ ਕਰਦੇ ਸਨ।ਉਹ 2010 ਵਿੱਚ ਇੱਕ ਸਾਰਜੈਂਟ, ਅਤੇ 2015 ਵਿੱਚ ਲੈਫਟੀਨੈਂਟ ਅਤੇ ਸੰਨ 2020 ਵਿੱਚ ਕਪਤਾਨ ਬਣੇ, ਅਤੇ ਸ਼ਲਾਘਾਯੋਗ ਸੇਵਾਵਾਂ ਦੇ ਬਦਲੇ ਉਹਨਾਂ ਦੇ ਰੈਂਕ ਵਿੱਚ ਵਾਧਾ ਹੋਇਆ।ਹੁਣ 2023 ਵਿੱਚ ਉਹਨਾਂ ਨੂੰ ਡਿਪਟੀ ਇੰਸਪੈਕਟਰ ਵਜੋਂ ਤਰੱਕੀ ਦਿੱਤੀ ਗਈ ਹੈ। ਸ਼ੇਪਾਰਡ ਨੇ ਪਹਿਲਾਂ ਪੁਲਿਸ ਕਮਿਸ਼ਨਰ ਦਫ਼ਤਰ ਵਿੱਚ ਇੱਕ ਵਿਸ਼ੇਸ਼ ਟੀਮ ਦਾ ਪ੍ਰਬੰਧਨ ਵੀ ਕੀਤਾ ਹੈ, ਜੋ ਕਿ ਪੰਜ ਬਰੋਆਂ ਵਿੱਚ ਵਿਭਿੰਨ ਭਾਈਚਾਰਿਆਂ ਨਾਲ ਤਾਲਮੇਲ ਕਰਨ ਲਈ ਜ਼ਿੰਮੇਵਾਰ ਹੈ, ਇੱਕ ਪ੍ਰੈਸ ਰਿਲੀਜ਼ ਦੇ ਅਨੁਸਾਰ ਉਸਨੇ ਵਿਭਾਗ ਦੇ ਮੁਖੀ ਸਮੇਤ ਉੱਚ ਪੱਧਰੀ ਵਿਭਾਗੀ ਕਾਰਜਕਾਰੀਆਂ ਦੇ ਨਾਲ ਕਈ ਸਲਾਹਕਾਰ ਸ਼ਲਾਘਾਯੋਗ ਭੂਮਿਕਾਵਾਂ ਵੀ ਨਿਭਾਈਆਂ ਹਨ।ਸ਼ੈਪਰਡ ਨੇ ਪਬਲਿਕ ਇਨਫਰਮੇਸ਼ਨ ਦੇ ਦਫਤਰ ਵਿੱਚ ਇੱਕ ਵਿਸ਼ੇਸ਼ ਪ੍ਰੋਜੈਕਟ ਮੈਨੇਜਰ ਵਜੋਂ ਕਈ ਸਾਲ ਸੇਵਾਵਾਂ ਦਿੱਤੀਆਂ ।ਕੈਬਨ ਨੇ ਇੱਕ ਬਿਆਨ ਵਿੱਚ ਕਿਹਾ, “ਡਿਪਟੀ ਕਮਿਸ਼ਨਰ ਸ਼ੇਪਾਰਡ ਨੇ ਪਿਛਲੇ ਦੋ ਦਹਾਕਿਆਂ ਤੋਂ ਲਗਾਤਾਰ NYPD ਵਿੱਚ ਅਨੁਭਵ, ਸਿਰਜਣਾਤਮਕਤਾ ਅਤੇ ਦੇਖਭਾਲ ਦੇ ਪੱਧਰ ਤੇ ਸ਼ਲਾਘਾਯੋਗ ਭੂਮਿਕਾ ਨਿਭਾਈ ਸੀ।ਉਨ੍ਹਾਂ ਕਿਹਾ ਕਿ ਪ੍ਰੈੱਸ ਦੇ ਨਾਲ ਕੰਮ ਕਰਨਾ ਇਹ ਇਕ ਬਹੁਤ ਵੱਡੀ ਜ਼ੁੰਮੇਵਾਰੀ ਹੈ। ਜੋ ਨਿਊਯਾਰਕ ਪੁਲਿਸ ਡਿਪਾਟਮੈਂਟ ਗੰਭੀਰਤਾ ਦੇ ਨਾਲ ਲੈੰਦੀ ਹੈ।ਅਤੇ ਇਸ ਨਵੀਂ ਭੂਮਿਕਾ ਤੋਂ ਪਹਿਲਾਂ ਮਹੱਤਵਪੂਰਨ ਦੇ ਮਾਮਲਿਆਂ ‘ ਉਹਨਾਂ ਦਾ ਇਕ ਸ਼ਲਾਘਾਯੋਗ ਰੋਲ ਰਿਹਾ ਸੀ।
