ਹੁਸ਼ਿਆਰਪੁਰ 5 ਜੂਨ (ਤਰਸੇਮ ਦੀਵਾਨਾ) ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਵੱਲੋਂ ਕਰਵਾਏ ਗਏ ਅੰਡਰ-19 ਅੰਤਰ-ਜ਼ਿਲ੍ਹਾ ਕ੍ਰਿਕਟ ਟੂਰਨਾਮੈਂਟ ਵਿੱਚ ਹੁਸ਼ਿਆਰਪੁਰ ਨੇ ਜਲੰਧਰ ਨੂੰ ਪਹਿਲੀ ਪਾਰੀ ਵਿੱਚ ਹਰਾ ਕੇ ਜਿੱਤ ਦਰਜ ਕੀਤੀ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐਚ.ਡੀ.ਸੀ.ਏ. ਸਕੱਤਰ ਡਾ: ਰਮਨ ਘਈ ਨੇ ਦੱਸਿਆ ਕਿ ਐਸੋਸੀਏਸ਼ਨ ਦੇ ਗਰਾਊਂਡ ਵਿੱਚ ਖੇਡੇ ਗਏ 2 ਰੋਜ਼ਾ ਮੈਚ ਵਿੱਚ ਹੁਸ਼ਿਆਰਪੁਰ ਦੀ ਟੀਮ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 264 ਦੌੜਾਂ ਬਣਾਈਆਂ। ਹੁਸ਼ਿਆਰਪੁਰ ਲਈ ਬੱਲੇਬਾਜ਼ੀ ਕਰਦੇ ਹੋਏ ਇਸ਼ਵੀਰ ਸਿੰਘ ਨੇ 88, ਹਰਮਨਦੀਪ ਸਿੰਘ ਨੇ 67, ਆਯੂਸ਼ ਗੁਪਤਾ ਨੇ 31, ਆਰੀਅਨ ਅਰੋੜਾ ਨੇ 17, ਮਯੰਕ ਮਲਹੋਤਰਾ ਅਤੇ ਹਰਲ ਵਸ਼ਿਸ਼ਟ ਨੇ 16-16 ਅਤੇ ਸੌਰਵ ਮਲਿਕ ਨੇ 15 ਦੌੜਾਂ ਦਾ ਯੋਗਦਾਨ ਪਾਇਆ। ਜਲੰਧਰ ਵੱਲੋਂ ਗੇਂਦਬਾਜ਼ੀ ਕਰਦਿਆਂ ਸੰਨੀ ਕੁਮਾਰ ਨੇ 3, ਅਨੂਪ ਵਰਮਾ ਨੇ 2 ਖਿਡਾਰੀਆਂ ਨੂੰ ਆਊਟ ਕੀਤਾ। ਪਹਿਲੀ ਪਾਰੀ ਵਿੱਚ ਮਿਲੇ 165 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਜਲੰਧਰ ਦੀ ਟੀਮ ਹੁਸ਼ਿਆਰਪੁਰ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਸਾਹਮਣੇ ਸਿਰਫ਼ 221 ਦੌੜਾਂ ਹੀ ਬਣਾ ਸਕੀ, ਜਿਸ ਵਿੱਚ ਅਰਜੁਨ ਰਾਜਪੂਤ ਨੇ 106 ਅਤੇ ਅਭੈਦੀਪ ਸਿੰਘ ਨੇ 39 ਦੌੜਾਂ ਬਣਾਈਆਂ। ਹੁਸ਼ਿਆਰਪੁਰ ਵੱਲੋਂ ਸ਼ਾਨਦਾਰ ਗੇਂਦਬਾਜ਼ੀ ਕਰਦੇ ਹੋਏ ਹਰੇਲ ਵਸ਼ਿਸ਼ਟ ਨੇ 3 ਕਪਤਾਨ ਵਿਸ਼ਾਲ ਬੰਗਾ ਅਤੇ ਰਿਸ਼ਭ ਕੁਮਾਰ ਨੂੰ 2-2, ਪਵਨਪ੍ਰੀਤ ਸਿੰਘ ਅਤੇ ਆਯੂਸ਼ ਕੁਮਾਰ ਗੁਪਤਾ ਨੂੰ 1-1 ਨਾਲ ਆਊਟ ਕੀਤਾ। ਪਹਿਲੀ ਪਾਰੀ ਵਿੱਚ 43 ਦੌੜਾਂ ਦੀ ਬੜ੍ਹਤ ਹਾਸਲ ਕਰਨ ਤੋਂ ਬਾਅਦ ਹੁਸ਼ਿਆਰਪੁਰ ਨੇ ਦੂਜੀ ਪਾਰੀ ਵਿੱਚ 169 ਦੌੜਾਂ ਬਣਾਈਆਂ ਜਿਸ ਵਿੱਚ ਹਰੈਲ ਵਸ਼ਿਸ਼ਟ ਨੇ ਨਾਬਾਦ 50, ਮਯੰਕ ਮਲਹੋਤਰਾ ਨੇ 46, ਹਰਮਨਦੀਪ ਨੇ 16 ਅਤੇ ਇਸ਼ਵੀਰ ਸਿੰਘ ਨੇ 10 ਦੌੜਾਂ ਦਾ ਯੋਗਦਾਨ ਦਿੱਤਾ। ਜਲੰਧਰ ਵੱਲੋਂ ਗੇਂਦਬਾਜ਼ੀ ਕਰਦੇ ਹੋਏ ਅਰਜੁਨ ਰਾਜਪੂਤ ਨੇ 4, ਇਵਾਨ ਸੇਠ ਨੇ 3 ਅਤੇ ਸੰਨੀ ਕੁਮਾਰ ਨੇ 2 ਖਿਡਾਰੀਆਂ ਨੂੰ ਆਊਟ ਕੀਤਾ। ਦੂਜੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਜਲੰਧਰ ਦੀ ਟੀਮ ਨੇ 2 ਵਿਕਟਾਂ ਦੇ ਨੁਕਸਾਨ ‘ਤੇ 24 ਦੌੜਾਂ ਬਣਾ ਲਈਆਂ ਸਨ। ਹੁਸ਼ਿਆਰਪੁਰ ਲਈ ਗੇਂਦਬਾਜ਼ੀ ਕਰਦੇ ਹੋਏ ਕਪਤਾਨ ਵਿਸ਼ਾਲ ਬੰਗਾ ਨੇ ਜਲੰਧਰ ਦੇ ਦੋ ਖਿਡਾਰੀਆਂ ਨੂੰ ਆਊਟ ਕੀਤਾ। ਇਸ ਮੈਚ ਵਿੱਚ ਹੁਸ਼ਿਆਰਪੁਰ ਨੂੰ 3 ਅਤੇ ਜਲੰਧਰ ਨੂੰ 1 ਅੰਕ ਮਿਲਿਆ। ਇਸ ਮੌਕੇ ਐਸੋਸੀਏਸ਼ਨ ਦੇ ਪ੍ਰਧਾਨ ਦਲਜੀਤ ਖੇਲਾ ਨੇ ਟੀਮ ਨੂੰ ਵਧਾਈ ਦਿੱਤੀ ਅਤੇ ਭਵਿੱਖ ਵਿੱਚ ਵੀ ਟੀਮ ਦੇ ਚੰਗੇ ਪ੍ਰਦਰਸ਼ਨ ਦੀ ਕਾਮਨਾ ਕੀਤੀ। ਇਸ ਮੌਕੇ ਜ਼ਿਲ੍ਹਾ ਕੋਚ ਦਲਜੀਤ ਸਿੰਘ, ਟਰੇਨਰ ਕੁਲਦੀਪ ਧਾਮੀ, ਜ਼ਿਲ੍ਹਾ ਕੋਚ ਦਲਜੀਤ ਧੀਮਾਨ, ਜ਼ਿਲ੍ਹਾ ਮਹਿਲਾ ਕੋਚ ਦਵਿੰਦਰ ਕੌਰ ਅਤੇ ਅੰਡਰ-19 ਟੀਮ ਦੇ ਸਹਾਇਕ ਕੋਚ ਕਰਨ ਸੈਣੀ ਨੇ ਟੀਮ ਨੂੰ ਇਸ ਜਿੱਤ ‘ਤੇ ਵਧਾਈ ਦਿੱਤੀ | ਡਾ: ਘਈ ਨੇ ਦੱਸਿਆ ਕਿ ਹੁਸ਼ਿਆਰਪੁਰ ਦਾ ਅਗਲਾ ਮੈਚ ਮੰਗਲਵਾਰ ਨੂੰ ਨਵਾਂਸ਼ਹਿਰ ਵਿੱਚ ਨਵਾਂਸ਼ਹਿਰ ਨਾਲ ਖੇਡਿਆ ਜਾਵੇਗਾ।
